Ein Golygfa

Mae’n braf cael cau drws y swyddfa a dianc am wyliau tydi. Eto’i gyd, mae’n anodd anwybyddu’ch gwaith yn llwyr pan mae rhywun yn angerddol dros ei faes.

Mae rhywbeth bach yn poeni pawb wrth gwrs, ond mae’n bwysig weithiau i eistedd ac ystyried cymaint sydd yna i’w ddathlu hefyd.

Criw bychan iawn sydd gan y Cyngor Cefn Gwlad ar gyfer gwneud gwaith ystâd ym Meirionnydd; hynny ydi walio, ffensio, coedwigaeth, trwsio llwybrau aballu, ac mae’n amhosib ei dal hi ymhob man.

Byddaf yn aml iawn yn cael pobl ddiarth yn datgan pa mor lwcus ydw i! Wrth sgwrsio efo hwn ac arall yng Nghwm Cau neu ar gopa Penygadair ar ddiwrnod o haf, mae llawer un wedi mynnu mai gen’ i mae joban orau’r byd, yn cael crwydro mynyddoedd Eryri, a chael fy nhalu i wneud [...]