Ein Golygfa

Diwrnod cyntaf yn yr Eisteddfod (Sadwrn), dim ond fi ar y stondin, ac mae wedi bod yn ddiwrnod diddorol iawn

Dwi wedi dysgu llawer wrth edrych ar ol y bwrdd natur:

• nyth cacwn fel lantern papur
• nyth mwyalchen yn wahanol i nyth deryn du
• lafa gwas y neidr yn edrych fel locwst (yn ol un ymwelydd ifanc i’r stondin!)

Bwrdd Natur CCGC ar ei stonin yn yr Eisteddfod

Ac mae pobl ddiddorol iawn wedi dod i’r stondin:

• criw o ddysgwyr o America – mae sawl poster wedi mynd yn ol i’r dosbarthiadau Cymraeg yno
• dyn efo nadroedd yn yr ardd – llyfryn y Cyngor ‘Ymlusgiaid yn eich gardd’ yn ateb iddo fo
• dynes oedd wedi cael gwas y neidr anferth yn y ty – cael poster gloynod byw yn ei phlesio yn fawr

Roedd nifer o gwestiynau doeddwn i ddim yn gallu ateb, ond yn ffodus iawn mae gynnon ni gymdogion holl-wybodus ar y Maes – RSPB Cymru ar un ochr, Cymdeithas Edward Llwyd ar y llall, ac Asiantaeth yr Amgylchedd yn gyferbyn yn y babell wyddoniaeth………handi iawn i fi!