Ein Golygfa

Dwi’n gwneud fy ngorau i beidio son yn ormodol am y tywydd, ond mae’r rhod yn troi go iawn bellach tydi. Hyd yn oed ar y dyddiau braf mae’r haul yn machlud o’r ardd yng nghefn y tŷ ‘cw cyn chwech, a’r tymheredd wedi gostwng cryn dipyn ers ein ha’ bach Mihangel.

Mi soniais y tro d’wytha’ am grwydro’r Tapiau Llwydion, ar warchodfa Cadair Idris. Dyma lun o’r tormaen llydandroed (Saxifraga hypnoides) yr oeddwn yn chwilio amdano.

Dim ond nodyn byr y tro ‘ma, i rannu ambell lun a dynnais wrth ruthro allan rhwng cawodydd eto.

Mae’n braf cael cau drws y swyddfa a dianc am wyliau tydi. Eto’i gyd, mae’n anodd anwybyddu’ch gwaith yn llwyr pan mae rhywun yn angerddol dros ei faes.